പാലക്കാട് ബ്രഹ്മാകുമാരീസ് സേവനങ്ങളുടെ സുവർണജൂബിലി സ്‌മരണികയ്ക്ക് കുറച്ച് വരി കൾ എഴുതാനിരിക്കുമ്പോൾ ഹൃദയം നിറയുന്നതായി അനുഭവപ്പെടുന്നു. വർഷങ്ങളുടെ ഓർമ്മകൾ ശാന്തമായ തിരമാലകളായി മനസിൽ ഉയർന്നു വരുന്നു ബാബയുടെ അതിരുകളില്ലാത്ത സ്നേഹവും, ഈശ്വരീയ മാർഗ്ഗത്തിൽ കൂടെയുണ്ടായിരുന്ന അനവധി ആത്മാ ക്കളുടെ സഹയോഗവും.

പരമാദരണീയ സോണൽ ഡയറക്ടർ പാലക്കാടേക്ക് എന്നെ അയക്കുമ്പോൾ വാടകയ്ക്കെടുത്ത ഒരു കെട്ടിടത്തിൽ ബ്രഹ്മാകുമാരീസ് കേന്ദ്രത്തിന് പ്രായം കേവലം ഒരു വർഷം.. എന്നാൽ ചില സമർപ്പിത മനസുള്ള ആത്മാക്കളുടെ ശുദ്ധിയും സത്യസന്ധമായ സേവാഭാവവുമായി അതിനു ള്ളിൽ നിറഞ്ഞത് ജ്ഞാനോത്സുകമായ മനസ്സുകളെ ആകർഷിക്കുന്ന ശക്തമായ ആത്മീയ പ്രകമ്പനങ്ങളായിരുന്നു. ആ സമയം മുതൽ ഓരോ നിമിഷവും എനിക്ക് അനുഭവപ്പെട്ടത്, ഭഗവാൻ കൂടെയുണ്ട് ചെയ്യുന്നതും ചെയ്യിപ്പിക്കുന്നതും ഭഗവാൻതന്നെ എന്ന ശാന്തമായ ഉറപ്പായിരുന്നു. ഞാൻ ഒരു സാക്ഷി മാത്രം ഭഗവാൻ്റെ കർമം നടന്നു കൊണ്ടിരിക്കുന്നതിനെ നോക്കി അദ്ഭുതപ്പെട്ടു നിൽക്കുന്ന ഒരാത്മാവ്.